Naftalan oynaq ağrılarına necə kömək edir?
Naftalan vannası və aplikasiyaları oynaq ətrafındakı iltihabı və ağrını azaldır, qan dövranını yaxşılaşdırır. Nəticədə hərəkət yüngülləşir və səhər oyananda olan tutulma xeyli zəifləyir.
Oynaq xəstəlikləri Naftalanda ən çox müraciət edilən sahələrdəndir. Artroz, artrit və ya osteoxondrozla gələn qonağa həkim adətən ümumi Naftalan vannasını, ağrıyan nahiyəyə aplikasiyanı və fizioterapiyanı birlikdə yazır.
Hansı oynaq və bel problemlərində təyin edilir?
Naftalan müalicəsi oynaq xəstəliklərinin sakit, yəni kəskinləşmə olmayan mərhələsində təyin edilir.
- Artroz və deformasiyaedici osteoartroz — diz, bud-çanaq və əl oynaqlarında.
- Artrit — o cümlədən revmatoid artritin sakit dövrü.
- Osteoxondroz və spondiloz — boyun, kürək və bel nahiyəsində.
- Bel yırtığı (disk yırtığı) — əməliyyat tələb etməyən hallarda, ağrını azaltmaq üçün.
- Radikulit, bursit, tendovaginit.
- Sınıqdan sonrakı sərtlik — oynaq tam açılmayanda.
Oynaq müalicəsində hansı prosedurlar edilir?
Müalicənin əsasında ümumi Naftalan vannası dayanır. Həkim ona ağrıyan oynaqa termal və ya Naftalan-parafin aplikasiyası, zərbə-dalğa terapiyası, maqnitoterapiya, lazer və masajı əlavə edir.
Bel və boyun şikayətlərində onurğanın dartılması (traksiya) və sualtı masaj da təyin oluna bilər. Bütün prosedurlar hər sanatoriyada olmur, aşağıda hansı sanatoriyada hansının olduğunu göstərmişik.
Oynaq müalicəsi üçün neçə gün lazımdır?
Oynaq və bel şikayətlərində adətən 10–14 günlük kurs seçilir. Xəstəlik illərlə davam edibsə, həkim kursu 21 günə qədər tövsiyə edə bilər.
Ağrı çox vaxt kursun ikinci həftəsində zəifləməyə başlayır. Nəticəni qorumaq üçün kursu ildə bir-iki dəfə təkrarlamaq məsləhətdir.
Oynaq müalicəsi üçün hansı sanatoriyanı seçmək olar?
Bel və boyun problemləri üçün onurğanın dartılması və zərbə-dalğa terapiyası olan sanatoriyalara baxın: Qaşaltı Naftalan, Nafta Sanatoriyası və Gold Naftalan & Spa Hotel.
Diz və bud-çanaq oynaqları üçün Naftalan vannası və aplikasiyalar demək olar ki, bütün sanatoriyalarda var, seçimi büdcə və şəraitinizə görə edə bilərsiniz. Bütün variantları müqayisə cədvəlində yan-yana görəcəksiniz.
Kimlərə olmaz?
Xəstəliyin kəskin dövrü, şiş xəstəlikləri, qan xəstəlikləri, aktiv vərəm, ağır ürək çatışmazlığı və hamiləlik zamanı Naftalan müalicəsi təyin edilmir.























